[太阳拆局]欧冠欧联出击唔敢乱攻曼城稳阵波半细有计华体网sportscncom

今晚欧联G组第3轮赛事，衞冕嘅曼城作客年青人。曼城状态麻麻之余，射手艾宁夏兰特喺欧联仍然陷入球荒，而且每逢欧联初段例必踢得保守，年青人遇强更加唔敢轻举妄动，1.5球半场细更可取。（Now 645周四凌晨3时直播）

曼城日前联文章来源华体网华体网(sportscn.com)赛击败白礼顿2比1，总算止跌，不过各项赛事近5仗只得2胜3负，状态认真一般。虽然射手艾宁夏兰特上仗对白礼顿远射得手，打破之前3仗入球荒，但原来呢位挪威神锋近5仗欧联竟然全部食白果，脚风欠顺，愈急就愈唔入，始终好拍档兼中场核心奇云迪布尼养伤後，夏兰特总系冇咁得心应手。

年青人死守输少当赢
年青人头两轮只系得1和1负，尽管表现唔算差，但两仗都系喺上半场先失波，今遇劲旅曼城一定会小心为上，加上两位前锋薛迪伊登同赞皮耶尼沙美，甚少一齐披甲，意味住佢哋都采用较保守战术，就算赢唔到曼城，都希望可以减少失波，输少当赢。

另边厢，虽然曼城头两轮欧联全胜，但佢哋出战联赛、欧联部署略有不同，联赛通常会踢得进取唔会缩，相反踢欧联就会以稳阵行先，尤其喺比赛初段，连同上届在内，近7仗半场有6次开1球或以下，而且佢哋近6仗欧联作客只得2胜4和，确系求稳居多，相信初段唔慌多波入，1.5球半场细有计