[太阳拆局]比甲近年对赛旺大手交易韦斯达路亨克演入球骚华体网sportscncom

比甲周中快车，韦斯达路主场迎战榜首亨克，韦斯达路踢法开放，经常出现大量入球同失球，极富娱乐性，亨克靠强劲攻力坐上1哥位置，今场随时反客为主，加上双方近6次交手5次开3球或以上，今场等睇入球骚，中位数2.5球入球大有计。（周三凌晨3时45分开赛）

韦斯达路今季重上比甲，球队背後有土耳其富商支持，拥有多位土耳其外援，世盃期间亦喺土耳其集训，佢哋升班後成绩唔差，企稳前10名，有能力挑战前列位置，睇番佢哋季初表现，出现多场大比数赛果，例如4比2赢标准列治、4比5输畀梅赫伦，首循环作客亨克更大败1比6，联赛20仗入39球失35球，攻力排第3，失球数字却系前列最多，系大盘客恩物。

入球量冠绝比甲
亨克今季重返争标行列，20战取得17胜1和2负佳绩排榜首，上轮之後抛离衞冕嘅圣基莱斯联7分，佢哋攻力最强，20仗入49球属联赛最多，世盃前录得17胜1和强劲走势，直至联赛重开输畀哥治先断缆，但其後即以3比1击败劲旅布鲁日，上仗小胜华雷根1比0，正准备开启另一轮连胜走势，今场对住有前冇後嘅韦斯达路，唔忧冇波入。