[太阳拆局]德乙直播两场关键大战德乙煞科同你见证

史浩克恨锦标誓拆纽
史浩克04经历上个失败球季降落德乙後，今季大踢争气波，现时以62分高踞榜首，除锁定前两位升班资格外，今晚只要拎多1分即好大机会封王。「04超级Fans」刘舜文就相当期待：「自从暂代教练布斯坚斯上任後，成功凝聚到班球员，虽然防线仲有唔少甩漏，但『德乙球王』泰路迪把握力极强，加上笃定季尾买断嘅借将沙拿沙愈战愈勇，总算做到以攻代守。」

刘舜文睇好爱队原来仲有另一个原因：「史浩克今晚煞科战作客友好球会纽伦堡，虽然和波都极大机会夺标，但我深信佢哋唔会hea踢求和算数，始终上次捧盃已经系2011年德国盃同德国超级盃，球队对锦标充满饥渴感，今晚赢波夺标绝对系全队上下最大目标！」

两大专家睇好汉堡
今晚另一焦点，一定系老牌球会汉堡能否保住升班附加赛资格，「赛前排第2嘅云达不来梅只要攞多一分，来季即可重返德甲，相信唔会甩拖。今晚焦点自然落喺第3位附加赛资格度，今季唔玩『放头』改『後追』嘅汉堡愈战愈勇，上轮赢波後以大幅得失球差压过达斯泰特，进占联赛榜第3位，今晚对手只系详细看华体网位处下游兼踢风流波嘅罗斯托克，汉堡要赢冇咩难度，起码有得踢附加赛先。」

「汉堡降落德乙已经第4季，之前3季都不幸做『梗颈四』，难得今季展现後劲，依家总算命运掌握喺自己手中，加上有巨大得失球差优势，赢波至少拎到升班附加赛席位。究竟今季德乙会唔会Happy Ending，『Big 3』史浩克04、云达不来梅同汉堡齐齐如愿以偿，就要留意东网直播喇。」